作曲：許冠傑
填詞：許冠傑/黎彼得
編曲: Adam Lee
監制: 陳德健/李安修
# 佢為人無聊返工等放工
時時蛇王郁啲詐胃痛
隨時頭暈傷風腳話凍
放假俾佢即刻通街貢
求人同情花款幾百種
時時同人 WEAR 水當贈送
每次到佢出錢嗌肉痛
送嘢俾個 GIRL FRIEND 出手重 #
* 佢成條搞風搞雨掘尾龍
隨時等炒攞慣大信封
頻頻有意製造人內鬨
佢望人罷曬工
同人嘈把聲響過喇叭筒
一打交「啜」聲屈尾十嗌鬆
走精便卸曬膊累埋大眾
專門搞搞貢 *
佢時時同人打牌專搏懵
明明人求「卡窿」佢話碰
詐詐諦諦偷睇四面哄
佢最鐘意週身郁郁貢
平時逢人請飲梗肚空
同臺人人干杯佢食餸
時時同人猜枚冇話中
到尾梗要打包幾斤重
Repeat * *
Repeat #