作詞：潘協慶 / 作曲：陳冠甫 / 編曲：Terence
天還袂光 露水還含霜你就落床
輕步挽袖 三兩手僎好早餐
想攏無想 有好料全部款款給阮
少年為囝 吃老為憨孫
無你泡的茶 無你漿的被 無你滾半工的粥
才知有阿嬤 日子才遐好過
憨阿嬤 你甘有想阮這顆金柑糖
麥行太遠 你若腳酸就歇困 不通忍
憨阿嬤 若聞著含笑花蕊的香味
不通袂記 置天邊彼面有我 底想你
月清路遠 阿嬤的背巾輕重無論
一角一分 步步為世小打算
想攏無想 有好料全部款款給阮
少年為囝 吃老為憨孫
無你泡的茶 無你漿的被 無你滾半工的粥
才知有阿嬤 日子才遐好過
憨阿嬤 你甘有想阮這顆金柑糖
麥行太遠 你若腳酸就歇困 不通忍
憨阿嬤 若聞著含笑花蕊的香味
不通袂記 置天邊彼面有我 底想你